___

«ҚазМұнайГаз» Ұлттық Компаниясы» АҚ 2019 жылдың қаржы қорытындысын жариялапты.Сонымен, компанияның EBITDA2 көрсеткіші 2018 жылмен салыстырғанда 15,0%-ға өсіп, 1 963 млрд теңгеге (5 126 млн долл.) тең болыпты.Ал еркін ақша ағымы 42,4%-ға өсіп, 592 млрд теңгеге (1 537 млн долл.) тең болған. Компанияның таза қарызы — 2 361 млрд теңге (6 171 млн долл.). Бұл 2018 жылдың соңындағы көрсеткішпен салыстырғанда 8,6%-ға көп, компаниядағылардың сөзінше, бұл ТШО-ның мұнайын толық көлемде аванс беру шеңберінде келісімшарттық міндеттемелерді мерзімінен бұрын орындауға ақша қаражатын пайдалану нәтижесі екен.Өндірістік қорытындысына келсек, 2019 жылы мұнай мен конденсатты өндіру деңгейі тұрақты болды және 23 618 мың тоннаға жетті немесе Қазақстандағы барлық өндірудің 26%-ына тең болған.Ал мұнай мен газды тасымалдау сегменті тұрақты болып қала берген: ҚМГ құбыр жүйесі арқылы 78 066 мың тонна мұнай және 103 494 млрд м3 газ тасымалданыпты.«ҚМГ ҚР ішкі нарығының қажеттіліктерін толық қамтамасыз етті.Артық көлемдер Еуропа мен Орталық Азия рыноктарына экспортталды», — делінген жылдық есепте.Былтыр компанияның табысы 6 859 млрд теңге (17 915 млн долл.) болыпты, бұл 2018 жылдың осындай кезеңімен салыстырғанда 1,9%-ға төмен болып шыққан.Мұны компаниядағылар былай деп түсіндірген: «Түсім серпініне негізгі теріс әсер брент маркасының орташа бағасының 10,0%-ға төмендеуі, KMG International (KMG I ) мұнай трейдингі көлемінің азаюы, бұл Қытайға газ сату көлемінің ұлғаюымен және орташа айырбас бағамының әлсіреуімен ішінара өтелді».2019 жылғы 31 желтоқсандағы жалпы қарыз 316 млрд теңгеге (780 млн.АҚШ долл.) немесе 2018 жылғы 31 желтоқсандағы көрсеткішпен салыстырғанда 7,6% немесе 3 838 млрд теңге (10 030 млн.АҚШ) болған.Жалпы борыштың төмендеуі негізінен «Жемчужины» жобасының серіктестерінен жалпы сомасы 111 млрд. теңгеге (290 млн.АҚШ долл.), АМӨЗ деңгейінде 62 млрд. теңге (163 млн.АҚШ доллары), 2044 жылы өтеуге жататын 11,6 млрд теге (30,1 млн.АҚШ долл.), Қазақстанның Даму Банкі (ҚДБ) 40,5 млрд. теңге (113 млн.АҚШ долл.), KMG I қарыз алуын 32 млрд. теңгеге (шамамен 83 млн.АҚШ доллары) және басқа еншілес ұйымдар бойынша борышты өтеумен байланысты екені айтылады.Осылайша ҚМГ-нің 2019 жылғы 31 желтоқсандағы таза қарызы 2 361 млрд теңгеге (6 171 млн.АҚШ долл.) тең болған, бұл 2018 жылғы 31 желтоқсандағы көрсеткіштен 8,6%-ға жоғары).