*/
Source⬅️موضوع انهاردة عن الكحة .. Cough الاول تعالي نعرف يعني ايه كحة :- دي باختصار رد فعل مناعي و دفاعي من الجسم عشان يطرد الأجسام الغريبة من الجسم .
........
⬅️الكحة >> cough
هنعرف أنواعها و كل نوع بيتكلم عن ايه وايه أسبابه وايه االادوية اللي نستخدمها مع كل نوع وايه الادوية المسببه للكحة وايه الاثار الجانبية من الادوية وامتي تعالج الحالة وأمتي تحول علي الطبيب المعالج هنفهم الموضوع مع بعض اكتر بصورة علمية وفارماكولوجي اكتر .. وان شاء الله تستفاد يلا نبدأ بأول نوع 😉😉
..........
⬅️قبل ما ابدا معاك في الكلام عن الكحة في 5 أسالة لازم يكونوا ثابتين في دماغك لازم تسألهم وهتعرف ايه مدلول كل سوْال :-
1- العمر : ودا عشان تعرف الحالة شخص كبير ولا طفل وطبعا دا هيفرق معاك في العلاج
2- الكحة من امتي ( المدة ) عشان تعرف اذا كنت هتعالجه ولا هتحوله
3- اطلب منه يكح ( سمعني كحتك ) 😂 وأسمع احلي سيمفونية هنا هتحدد اذا كان مريض ذبحة او سعال ديكي او كحة عادية ولا ببلغم
4- في شكوي من الكحة ( وجع او لما تنام بتزيد او بتحس انها بترد في ضهرك .. )
5- بتاخد ادوية ضغط ACE Inhibitors.. اللي بتزود الكحة ..........
⬅️طيب ايه انواع الكحة المشهورة معانا :-
1- اول نوع معاك الكحة الناشفة dry cough 2- تاني نوع الكحة ببلغم wet / productive cough 3- الكحة اللي فيها Fever بس ..........
طب ايه بقي الجديد اللي ممكن ميكونش⬅️ تعرفه :-
1- self limited : والنوع دا بيستمر من يوم ليوم ونص ويروح لحال سبيله 2- Normal : والنوع دا بياخد من 3ايام لـ 3 شهور ودا بيحتاج علاج ممكن تعالجه او تحوله للطبيب حسب الحالة 3- Coughing after cough: والنوع دا بيحصل لما الكحة بتقف لكن بيلاقي اثر الكحة موجود في كمان انواع تانية زي ( السعال الديكي .. سعال الذبحة الصدرية المشهور بالـ wheezing) ..........تعالي نتكلم عن الـ ⬅️
Dry & productive cough ..........اول نوع الـ⬅️
Dry cough .. الكحة الناشفة اول أسباب الكحة الناشفة انها تكون بعد دور برد يعني viral infection تاني سبب الحساسية .. بيكون الصدر حساس شويةتالت سبب التدخين وركز اوي ع التدخين
طبعا صوت الكحة مميز تحس انها طالعة بتقطع وتشرخ في الصدر ..........
⬅️تاني نوع الـكحة ببلغم .. Productive cough
مميزة جدا بصوتها وبوجود البلغم ودا نتيجة زيادة افرازات في الطبقات المخاطية اللي في الرئة .. فتبقي عامله حمل علي الرئة والحويصلات الهوائية ( ملانه mucus ) .. طبعا لون البلغم بيختلف من حالة لحالة ممكن يبقي ابيض او اصفر دا عادي لكن لو اخضر باي درجة من درجاته هنا حصل Bacterial infection ..........⬅️ العلاج والعلاج هنا اربع أقسام هكلمك عن كل قسم بالتفصيل :
خد نفسك بقي واهدي وروق مزاجك وتعالي نتسلي مع بعض 😉😉 الأقسام ( Antitussives - Expextorant - mucolytic - Bronchodilator) ..........
( 1- Antitussives)➡️
>> اعرف كويس جدا ان الادوية المستخدمة للتخلص من الكحة الناشفة .. ( ممنوعه ) .. في حالة الكحة ببلغم ✋ والنوع دا بيكون شغله علي نوعين اما : 1- peripheral ( هنا بقلل الـ cough receptors) عن طريق اني أوقف التدخين .. او استخدم مرطبات زي العرق سوس ممتازة جدا او استنشق بخار مية ومضاف ليها الـMenthol
او أدوية فيها Benzoatate ودا شغال peripheral & central
2- Central ( هنا الـcough centers in medulla )
>>زي ( Dextromthorphan ) والنوع دا محرررررم مع مرضي الذبحة الصدرية
>> (pholcodin) والنوع دا ميزته انه مش بيعمل respiratory depredations
>> ( Clobutinol ) ميزة النوع دا انه سريع التأثير .. بيجيب م الاخر
..........
(2- Expectorant )➡️ والنوع دا باختصار شغال علي انه يزود المخاط الموجود في الرئة ثم يحصل Irritation reflex فيطرد البلغم و اعرف انه نوعين :- A- sedative expectorant
والنوع دا بيزود إفراز المخاط الرقيق في الرئة فيعمل sedation للطبقة المخاطية الملتهبة
>> طيب النوع دا زي ( Na / K - acetate )
>> بستخدمه في حالات الـ Bronchitis & Bronchial asthma .......... B- stimulant expectorant
النوع دا بيحفز شفاء الخلايا المصابة من الطبقة المخاطية الملتهبة
>> والنوع دا زي ( creosote & guaiacol )
>> بستخدمه في حالات الـ chronic supportive lungs disease
في الحالات المستعصية بس
..........
(3- Mucolytic Agents )➡️
والنوع دا يعني بيدوب المخاط اللزج .. بيحلله عشان الـ Expectorant تطرده بسهولة ( عملية متكافئة )
>> زي ( Bromhexine - carbocisteine - Ambroxol -trypsin)
>> لاحظ << لو الحالة متحسنتش بعد شهر من العلاج بالمذيبات لازم توقفها .. وتروح للطبيب المعالج ..........
(4- Bronchodilators ) ➡️
موسعات الشعب ودي علي نوعين :- 1- B2_Agonist :- ودي علي نوعين اما short او long Short >> sulbutamol Long >> salmetrol من عيوب النوع دا :- 1- غير فعال في اول سنة ونص من العمر ( طفل ) لان الخلايا مش ناضجة بصورة كافية 2- لما الجرعة تزيد زيادة خفيفة بيحصل خلل في الجسم واهتزازات ممكن في الايد او الرجل 3- الصداع وعدم الرؤية الواضحة4- Hypokalaemia ودا معناه نقص البوتاسيوم في الجسم .. هتعرفه في بوست مدرات البول بالتفصيل ان شاء الله 😉
2- Methylxanthines :- ودا تاني نوع من موسعات الشعب زي
Theophylline - Aminophylline - Acefylline
الـAcefylline هو نفسه الـ Theophylline لكنه أأمن وأقل منه في الـ toxicity
من عيوب النوع دا :- 1- صداع + ارق 2- تشنجات بالنسبة للأطفال 3- زيادة في ضربات القلب + زغللة 4- لو اتاخد وريد بيقلل الضغط 5- لو عن طريق الفم يعمل anorexia & nausea
..........