...

Помидор кўчатини ҳар 5-6 кунда 1 марта, экилгандан сўнг нисбий намликка қараб суғориш талаб этилади. Сувнинг ҳарорати баҳор-ёз кунларида 25-30°, қишда 15-16°C да бўлиши лозим. 

Етилган кўчатларни иссиқхонага экишдан олдин экиладиган майдон яхшилаб чопилиб, 80-90°C да буғлаш ва пестицид билан ишлов бериш яхши натижа беради. Кўчат экишда тупроқ анализини билиш муҳим аҳамиятга эга. Анализ натижаларига кўра тупроққа қанча миқдорда азот (N), фосфор (Р), калий (К) бериш кераклигини аниқланади.

1 гектар ер учун 250-300 кг азот, 250 кг фосфор, 150-250 кг калий солиш тавсия қилинади. Кўчат ёшлик даврида кальций (Са), бор (В), магний (Мg) ли ўғитлар бериш яхши натижа беради. Помидорни бутун вегитация давомида 4-8 марта суғориш тавсия этилади. 

Ҳар бир суғоришдан кейин ўсимликни ёшлик пайтидан мева пишгунига қадар пушталарини юмшатиб туриш талаб этилади.

Суғориш ишларини олиб борганда нисбий намлик 70% дан ошмаслиги лозим. Суғориш билан бир қаторда ўсимликка тўғри шакл бериш муҳим аҳамиятга эга.

Ўсимликка шакл берганда барг кесилган жойларини фунгицид дорилар билан эмлаш мақсадга мувофиқ бўлади. 

Иссиқхонада ҳаво айланишини тўғри йўлга қўйиш керак. Озуқа берганда тупроқдаги рН (тупроқнинг ишқорийлиги) кўрсаткичи 6-6,5 га тенг бўлгани маъқул. ЕС (тупроқнинг электр ўтказувчанлиги) 1,5-2 ms ни ташкил қилиш керак. 

Ўсимлик гуллагандан бошлаб то пишгунга қадар сунъий усулда ва арилар ёрдамида чанглатилади. Ўсимлик касалланмаслиги учун ХОМ, Хамицин, Превикур фунгицидларини қўллаш мумкин.

@AGROBLOGER канали

dehqon.uz