...

Ўзбекистон Республикаси Президентининг “Ўзбекистон Республикаси Президентининг айрим ҳужжатларига ўзгартиришлар киритиш тўғрисида”ги қарор лойиҳаси эълон қилинди.

Унга кўра, “Лимон етиштирувчилар ва экспорт қилувчилар” сўзлари “Цитрус, субтропик ва тропик ўсимлик етиштирувчилар ва экспорт қилувчилар” сўзлари билан алмаштирилади.

Қуйидагилар Уюшманинг асосий вазифалари этиб белгиланади:

Республикада цитрус, субтропик ва тропик ўсимликлар кўчатларини етиштириш ва уларни етиштирувчи иссиқхона хўжаликларини ташкил этишни комплекс ривожлантириш бўйича дастурларни амалга оширишда иштирок этиш, соҳада ягона илмий-техникавий, технологик, инвестицион ва экспорт сиёсати амалга оширилишига кўмаклашиш;

Табиий майдонлардан оқилона фойдаланган ва интенсив етиштириш технологияларини қўллаган ҳолда цитрус, субтропик ва тропик ўсимликларнинг ўсиши учун қулай бўлган ҳудудларда махсус иссиқхона хўжаликларини ташкил қилиш йўли билан лимон етиштириш ҳамда экспортга маҳсулот чиқариш ҳажмларини босқичма-босқич ошириб бориш;

Цитрус, субтропик ва тропик ўсимликларни етиштириш жараёнларига хорижий сармояларни, чет эллик мутахассислар ҳамда консультантларни фаол жалб қилиш, ушбу соҳага илғор технологияларни жорий қилиш;

Цитрус, субтропик ва тропик ўсимликлар кўчатларини цитрус, субтропик ва тропик ўсимликларни етиштириш билан шуғулланувчи жисмоний ва юридик шахсларга тизимли етказиб бериш, цитрус, субтропик ва тропик ўсимликлар зараркунандалари ва касалликларига қарши биологик ҳамда кимёвий воситалар асосида курашиш ишларига кўмаклашиш;

Инновацион технологияларни цитрус, субтропик ва тропик ўсимликларни етиштириш жараёнига жорий қилиш учун илмий-тадқиқот ишлари олиб бориш, цитрус, субтропик ва тропик ўсимликларнинг маҳаллий серҳосил навларини яратиш, районлаштириш ҳамда янги навларни давлат реестрига киритиш ишларига кўмаклашиш;

Цитрус, субтропик ва тропик ўсимликларни етиштириш ва уни қайта ишлаш ҳамда экспортга етказиб бериш соҳасини ривожлантиришга йўналтирилган норматив-ҳуқуқий ҳужжатларни ишлаб чиқишда иштирок этиш;

Цитрус, субтропик ва тропик ўсимликларни етиштирувчиларга цитрус, субтропик ва тропик ўсимликларни етиштиришнинг замонавий усуллари ва уни парвариш қилиш юзасидан тавсиялар ишлаб чиқиш ҳамда методик ёрдам кўрсатиш;

Цитрус, субтропик ва тропик ўсимликларни парвариш қилишга жалб этиладиган мутахассисларни агротехник тадбирларни тўғри ўтказиш бўйича ўқитиш учун махсус тайёрлов курсларини ташкил этиш;

Соҳа учун мутахассисларни тайёрлаш ва қайта тайёрлаш, олий, ўрта махсус, касб-ҳунар таълим муассасаларида, шунингдек, хорижда уларнинг малакасини ошириш ишларини самарали ташкил этиш ҳамда мувофиқлаштиришда иштирок этиш.

ЎзА

@AGROBLOGER канали