___

Президент Владимир Путин қызметінде тағы 16 жыл қалатын заң түзетулері Конституцияға енгізіліп жатқанда рубль 22 айдағы антирекордын қайталап, әлсіреп қалды.Бұл туралы қазір ресейлік БАҚ та қызу жазып жатыр.МосБиржадағы алғашқы саудада-ақ доллар 3,67 рубльге, ал еуро 4,38 рубльге қымбаттап, бірнеше минуттың ішінде 2016 жылғы минимумды қайталаған: америкалық валютаға 72,99 рубль төлейсің, ал еуропалыққа 85 рубль.Ресейлік басылымдардың жазуына қарағанда, рубль бірден құлдырамаған, сондықтан нарыққа ес жоғалтатындай эффект бола қоймаған: түстен кейінгі уақытта доллар мен еуро әлсірей бастаған, сөйтіп, қорытынды сессияда 71,41 рубль және 80,5450 рубль көрсеткішінде қалған.Ал 2015 жылдан бері бірінші рет нормаланбаған интервенция жүргізу тәжірибесіне өткен Орталық банк валюта сата бастаған.«Корпорациялар бүгінде валютаны көп сатты, экспорттаушылардың 72-ден жоғары (доллар үшін рубль) болады деген темірбетон оффері ғана болды», — деді Reuters « ВТБ Капитал » трейдері Артем Звонарев: қыңыр сатушы бағамды жоғарылатпау үшін кез келген көлемді жүзеге асыруға дайын болды.Звонаревтің айтуынша, валютаны сатып алғандар ел резиденттері емес.Олар федерал қарыз облигацияларынан арылуға тырысқан, осылайша 2014 жылғы 16 желтоқсандағы «қара сейсенбінің» котировкасынан бетер бұзып тастаған.Дүрбелең туғызбау үшін ең ірі сатушылардың бірі « Газпром » болған, деп жазады ресейлік басылымдар.Әдетте валютаны екінші және төртінші тоқсанда сататын компания күтпей, нарыққа операция жасауға шықты, — деп келтіреді Bloomberg басқарма төрағасының орынбасары Фамил Садыговтың сөзін.« Газпром » экспорттық түсімнен басқа, желтоқсан айында еуробондтарды орналастыру арқылы қарызға алған 2 млрд доллардан бір бөлігін сатыпты.«Экспортерлердің валюталық түсімін сатуды ұлғайту 2014 жылдың соңында және 2015 жылдың басында рубльдің құлдырауы кезінде бағамды тұрақтандырудың ең тиімді құралы болды.Сол кезде бір апта ішінде экспорттаушылар 30 млрд доллардан астам сомаға сатылды, бұл нарықты мөлшерлеменің жоғарылауына қарағанда тиімдірек әсер етті», — деп еске салады ITI Capital стратегі Ескендір Луцко.Мемлекеттік экспортерлерді тарта отырып, ұлттық әл-ауқат қорынан валютаны сата отырып, билік пен Орталық банк мұнайдың 36-40-тан сатып, бір доллар үшін 70 рубльге дейінгі бағамды ұстап тұра алады, деп есептейді Луцко.Жыл басынан бері рубль 13%-ын жоғалтқан және дамушы нарықтардың нашар валютасын қуып жеткен — бұл нашар валюта — 14% әлсіреген және тарихи минимумдарды жаңартатын бразилиялық реал.Әбден әлсіреген рубль өзінің мұнайын құшақтап қалып отыр.Ал бұл Ресейді ірі өндіруші елдердің саясатына тәуелді етеді.«Егер ОПЕК+ келіссөздері жаңартылмаса, егер ешқандай мәміле болмаса, біз мұнайдың барреліне 20-25 долларға дейін құлауына куә боламыз.Сол кезде рубль бір доллар үшін 90-ға дейін жетеді, ал ФҚО ставкаларын болжау қиын», — депті Bloomberg басылымына МТС-Банктің бағалы қағаздарымен операциялар басқармасының бастығы Роман Дмитриев.Мұндай сценарийдің ұзақ уақытқа созылуы екіталай: егер долларлық инфляцияны ескерсек, онда барреліне 30-40 доллар диапазоны 1990-жылдардағы арзан мұнай дәуіріне сәйкес келеді, ол кезде номиналды баға 20-ға жуық болған, дейді Газпромбанктің бас экономисі Егор Сусин.Мұнайдың 30 доллардан төмен түсуі үшін әлемдік ЖІӨ тіпті бір бірлікке емес, ондаған пайызға құлдырауы керек, дейді ол.Рубльдің қауіпсіздік жастығы банк жүйесінің резервтері болып отыр — шамамен 17 млрд долларға бағаланатын еркін валюта, алайда бұл қаржы тек бағамға қысым беруді кейінге қалдыруға мүмкіндік береді, дейді Райффайзенбанктің сарапшысы Денис Порывай.Бюджет тұрғысынан рубль бұрынғысынша тым күшті: баррельдің рубльдік бағасы — 2544 рубль — мұнайға бағаның төмен кезеңінде (2900 рубль) байқалған орташа мәннен айтарлықтай төмен.Демек, рубльдің әлсіреуі долларға қатындасында 80 рубльге дейін өз әлеуетін сақтайды деген қорытынды жасауға болады.