...

...

AGROBLOGER

Вазирлар Маҳкамасининг “Суперэлита, элита ва кейинги авлодларга мансуб уруғлик шоли етиштириш учун уруғчилик хўжаликларини танлаш тартиби тўғрисидаги низомни тасдиқлаш ҳақида”ги қарори лойиҳаси эълон қилинди.

Ҳужжатда қайд этилишича, республикада шолидан юқори ва барқарор ҳосил етиштириш учун шоли етиштирувчи хўжаликларни навдор, авлодли ва сертификатланган уруғлик билан таъминлаш зарур.

Жумладан:

  • уруғлик шоли етиштирувчи фермер хўжаликлари, кластерлар ўртасида уруғлик етиштириш учун уруғлик шоли етиштирувчилар танловини ўтказиш тартиби ишлаб чиқилмаган;
  • амалда шоли уруғчилиги тизимли йўлга қўйилмагани сабабли бугунги кунда тозаланган, сараланган ва сертификатланган уруғликларни тайёрлаш ва шоли етиштирувчи хўжаликларга кафолатли етказиб бериш имконияти мавжуд эмас.

Таъкидланишича, 2021 йил ҳосили учун асосий майдонларга 66,7 минг гектар ва такрорий майдонларга 62,6 минг гектар шоли экилиши белгиланган бўлиб, жами 22 минг тонна уруғлик талаб этилади.

Бугунги кунда шоли уруғчилиги фақатгина илмий-тадқиқот муассасаларида йўлга қўйилган. Илмий-тадқиқот муассасаларида етиштирилган уруғлик шоли республикадаги барча шоли майдонларига етишмайди. Асосий шоли етиштирувчилар узоқ муддатларда ўз майдонларидан уруғлик тайёрлаб келмоқда ва бунинг натижасида етиштирилаётган шоли ҳосилдорлиги пасаймоқда.

2020 йилда Шоличилик илмий-тадқиқот институтининг Қорақалпоғистон Республикаси ва Хоразм филиалида 351,4 тонна, Дон ва дуккакли экинлар илмий-тадқиқот институтининг Қорақалпоғистон Республикаси илмий тажриба станциясида 264 тонна, жами 615,4 тонна авлодли, сертификатланган уруғликлар тайёрланган бўлиб, республика шоли майдонлари учун 21,4 минг тонна авлодли уруғлик шоли талаб этилади.

Қарор лойиҳасида қуйидагилар назарда тутилган:

  • уруғлик шоли етиштириш бўйича танлов ўтказиш учун ариза қабул қилиш эълон қилинган кундан бошлаб 20 кун давомида амалга оширилади;
  • туман ишчи гуруҳи уруғлик шоли етиштириш ҳуқуқига эга бўлиш учун уруғлик етиштирувчи субъектлар ўртасида ҳужжат қабул қилиш якунланган кундан бошлаб 10 кун давомида танлов ўтказади;
  • суперэлита, элита ва кейинги авлодларга мансуб уруғлик шоли етиштириш ҳуқуқига эга бўлиш учун танлов ўтказиш бўйича ҳужжатлар юритилади;
  • уруғлик шоли етиштириш ҳуқуқига эга бўлган танлов ғолибларининг вазифалари ва функциялари белгилаб берилади.

Таъкидланишича, қарор лойиҳасининг қабул қилиниши орқали:

  • биринчидан – шоли етиштиришда имконияти юқори бўлган хўжаликлар танлаб олинади ва улар томонидан кафолатланган авлодли уруғликлар етиштиришга эришилади;
  • иккинчидан – шоличилик йўналишида уруғчилик тизими йўлга қўйилади ҳамда сертификатланган авлодли уруғликлар тайёрланади;
  • учинчидан – шоли етиштирувчи хўжаликларда сертификатланган авлодли уруғлик экилиши ҳисобига ҳосилдорлик ошишига эришилади.


@AGROBLOGER канали

kun.uz

Report Page