ЎЗБЕКИСТОН РЕСПУБЛИКАСИ АКЦИЯДОРЛИК ТИЖОРАТ ХАЛҚ БАНКИНИНГ «СУПЕРЛОТТО» СОНЛИ, ПУЛ ЮТУҚЛИ ЛОТЕРЕЯСИ «6+1» ЎЙИНИНИ ЎТКАЗИШ ШАРТЛАРИ
I. ЛОТЕРЕЯ ТАШКИЛОТЧИСИ ТЎҒРИСИДА АСОСИЙ МАЪЛУМОТЛАР
1. Лотерея ташкилотчиси – Ўзбекистон Республикаси акциядорлик тижорат
Халқ банки.
2. «Халқ банки»нинг юридик манзили, боғланиш учун телефон рақамлари ва банк реквизитлари қуйидагилардан иборат:
Почта манзили: 100096, Тошкент шаҳар, Чилонзор тумани, Қатортол кўчаси, 46–уй. Телефон рақами: (+99871) 120 17 24, 120 17 25.
II. ЛОТЕРЕЯНИ ЎТКАЗИШ ШАРТЛАРИ
Ўйин тўғрисидаги умумий маълумотлар
3. Ўйин тури: лотто туркумидаги сонли, тиражли, телевизион пул ютуқли лотерея. Ўйиннинг мавзуси ҳар бир тиражда биринчи лототрондан тушадиган
1 дан 40 гача бўлган сонларнинг тўлиқ қаторидан ўйналаётган 6 та сонни ва иккинчи лототрондан тушадиган 1 дан 20 гача бўлган сонларнинг тўлиқ қаторидан ўйналаётган 1 та сонни таҳмин асосида топишдан иборат.
4. Ўйинда қатнашиш (лотерея билети) қиймати: «Суперлотто» сонли, пул ютуқли лотереяси «6+1» ўйини билетидаги бир дона ўйин комбинациясининг баҳоси 5 000 (беш минг) сўмдан иборат.
5. Лотереянинг ютуқлари таркиби: лотереяда ютуқ сифатида ютуқларни тўлаш учун мўлжалланган пул маблағлари ўйналади.
6. Ўйин билетидаги комбинациялар сони ва баҳоси: «Суперлотто» сонли, пул ютуқли лотереяси «6+1» ўйинида ўйинни ўтказиш Шартлари асосида рўйхатдан ўтган барча сонли комбинациялар иштирок этади. Ўйинда иштирок этиш учун битта билетда қайд этилиб, рўйхатдан ўтказилган комбинациялар сони ва комбинациялар учун тўланган маблағлар билет баҳосини белгилайди.
7. Битта ўйин билетида ўйин купонининг биринчи майдонида комбинациялар белгиланадиган рақамлар сони 6 тадан иборат ҳамда иккинчи ўйин майдонида белгиланадиган рақамлар сони 1 дан 10 тагача бўлиши мумкин.
8. Битта ўйин билетида сонли комбинацияларни белгиловчи рақамлар сони, мос комбинациялар сони ва тарқатилган билетнинг ўрнатилган баҳоси, иккинчи ўйин майдонида битта рақам танланган ҳолда қуйидагича бўлади:
Бунда, ўйин билетидаги комбинациянинг баҳоси иккинчи ўйин майдонидаги
1 тадан 10 гача танланган рақамларнинг сонига қараб, майдонда белгиланган рақамларнинг сонига каррали равишда ортиб боради, жумладан:
Ютуқ фонди ва уни тасарруф этиш тартиблари
9. Ютуқ фонди суммаси: лотереянинг ютуқ фонди миқдори ўйиннинг муайян тиражида иштирок этиш учун ЛБМТ да рўйхатдан ўтган билетларда қайд этилган сонли комбинациялар учун қабул қилинган тўловлар умумий суммасининг 55 (эллик беш) фоизини ташкил қилади.
10. Ютуқ фонди категориялари: ютуқ фонди 7 (етти) та категорияга бўлинади ва уларнинг таркиби қуйидагича бўлади:
11. Ютуқ фонди тираж натижаларига кўра қуйидаги тартибда тақсимланади:
1) Биринчи навбатда, тиражда ютуқ фондининг V–VII–категорияларида ютуқли бўлган ўйин комбинациялари бўйича ютуқлар суммаси ҳисоби ва тўловини амалга ошириш учун мазкур жадвал асосида:
2) Ютуқ фондининг V–VII–категорияларида ютуқли бўлган ўйин комбинациялари бўйича ютуқлар суммаси ҳисоблангандан сўнг, қолган сумма навбатдаги тираж учун ютуқ фондининг I–IV–категориялари маблағларини шакллантириш учун қуйидаги улушларда йўналтирилади:
12. Ўйиннинг мазмуни биринчи лототрон ёрдамида ютуқли 6 (олти) та ва иккинчи лототрондан 1 (битта) та рақамланган шарларни аниқлашдан иборат. Бунда, ютуқ фондининг I–категориясига 1–лототронда аниқланган олтита ва 2–лототронда аниқланган битта рақамланган шар билан мос келган (6+1) сонли комбинациялар, II–категорияга 1–лототронда аниқланган олтита ва 2–лототронда аниқланган рақамланган шар билан мос келмаган (6+0) сонли комбинациялар, III–категорияга 1–лототронда аниқланган бешта ва 2–лототронда аниқланган битта рақамланган шар билан мос келган (5+1) сонли комбинациялар, IV–категорияга 1–лототронда аниқланган бешта ва 2–лототронда аниқланган рақамланган шар билан мос келмаган (5+0) сонли комбинациялар, V–категорияга 1–лототронда аниқланган тўртта ва 2–лототронда аниқланган битта рақамланган шар билан мос келган (4+1) сонли комбинациялар, VI–категорияга 1–лототронда аниқланган тўртта ва 2–лототронда аниқланган рақамланган шар билан мос келмаган (4+0) сонли комбинациялар, VII–категорияга 1–лототронда аниқланган учта ва 2–лототронда аниқланган битта рақамланган шар билан мос келган (3+1) сонли комбинациялар киритилади.
13. Агар, тираж натижаларига кўра, ютуқ фондининг I–категориясида икки ва ундан ортиқ ўйин комбинацияси ютуқли бўлса, у ҳолда категория фонди ютуқли комбинациялар ўртасида тенг миқдорда тақсимланади.
Ҳудди шундай, ютуқ фондининг II, III ва IV–категориялари бўйича ҳам ютуқ фондлари мос равишда ютуқли комбинациялар ўртасида тенг миқдорда тақсимланади.
Ютуқ фондининг V–VII–категорияларида ўйнатиладиган ютуқлар миқдори фиксирланган бўлади.
Ўйинни ўтказиш қоидалари
14. Ўйин комбинациялари «Халқ банки» тизими муассасалари, шунингдек, жамоатчи тарқатувчилар, «UZPAYNET» агентлик тармоғи операторлари томонидан рўйхатга олинади ва билетлар бўйича тўловлар қабул қилинади.
15. Лотерея чипталарини 18 ёшга тўлмаган шахсларга сотиш ва уларнинг ўйинда иштирок этишлари таъқиқланади.
Ўйин билетларини рўйхатга олиш
16. «Суперлотто» сонли, пул ютуқли лотереяси «6+1» ўйини билетлари «Халқ банки» муассасалари, «UZPAYNET» тўлов агентлик тармоғи, жамоатчи тарқатувчилар терминаллари ёрдамида «Халқ банки» Лотереяларни Бошқариш Марказлашган Тизими маълумотлар Базасида рўйхатдан ўтказилади ва ўйин билети (чек) терминалда чоп қилиниб, ўйин иштирокчисига берилади.
17. Ўйин билетларини рўйхатга олиш тиражга билетларни рўйхатга олиниши эълон қилинган вақтдан бошланиб, ютуқлар тиражи ўтказиладиган душанба ва пайшанба кунлари соат 16–00 да тўхтатилади.
18. Ўйин билетларини бекор қилиш ва тираж маълумотлар Базасидан чиқарилиши билан боғлиқ барча мунозарали ва баҳсли вазиятлар ўйин билети ва SMS кодини қайтариб олиш тўғрисидаги Далолатнома мавжуд бўлган ҳолда ютуқлар тиражи ўтказилишига камида 20 (йигирма) соат вақт қолгунга қадар кўриб чиқилади ва ҳал этилади.
Агар, ушбу тадбирлар амалга оширилмаса, рўйхатдан ўтган барча ўйин комбинациялари ютуқлар тиражида иштирок этади ва ўйин иштирокчисининг эътирози кўриб чиқилмайди.
Ўйинларни ўтказишни ташкил этиш
19. «Суперлотто» сонли, пул ютуқли лотереяси «6+1» ўйини мунтазам равишда ҳар ҳафтанинг душанба ва пайшанба кунлари соат 19 00 да Ўзбекистон Республикаси Миллий телерадиокомпанияси «Наво» телеканали студиясида тўғридан–тўғри эфирда ўтказилади.
20. Ўйинни ўтказиш муддатлари ва мунтазамлилиги лицензияловчи орган билан келишилган ҳолда ўзгартирилиши мумкин ва ўйин иштирокчилари бу ҳақда оммавий – ахборот воситалари орқали эълон бериш орқали ҳабардор қилинади.
21. Лотерея ташкилотчиси байрамлар ва алоҳида кунларда лицензияловчи орган билан келишилган ҳолда тиражни ўтказиш муддатларини ва вақтини бошқа сана ва вақт (яқин кунлар)га кўчириши мумкин.
22. Ютуқлар тиражлари Ўйин Хайъати иштирокида ўтказилади ва унинг таркиби камида 3 (уч) кишидан иборат бўлиб, Хайъат таркиби ўйин ташкилотчиси ходимларидан ташкил топади ҳамда Хайъат таркиби Хайъат Раиси ва аъзоларидан иборат бўлади.
Шунингдек, ўйин ташкилотчисининг ихтиёрига кўра давлат органлари, корхона ва ташкилотлар, шунингдек, жамоатчилик вакиллари ва бошқалар ҳам Хайъат таркибига киритилиши мумкин.
Ютуқли ўйин билетлари бўйича ютуқларни тўлаш тартиби
23. ЛБМТ маълумотлар базасида рўйхатдан ўтган ўйин комбинацияси (лари) ютуқли бўлганда, мазкур ўйин билети бўйича ютуқ суммаси билетдаги ютуқли комбинацияларнинг барча категориялардаги ютуқлари суммалари орқали аниқланади.
24. Лотерея ютуқ фондининг V–VII–категорияларидаги барча ютуқли (I–IV–категориялардаги ютуқлардан ташқари) комбинациялар ютуқлари, ўйин ташкилотчисининг филиаллари орқали тираж ўтказилган куннинг эртасидан бошлаб, 3 (уч) ой давомида орқали тўлаб берилади.
25. Ютуқ фондининг I–IV–категорияларида ютуқли бўлган билетлар ютуқлари, ўйин комбинацияларининг қайси ҳудудда ва қайси терминалда рўйхатдан ўтказилганлигидан қатъий назар, фақатгина банк филиаллари орқали, ютуқли билет банк марказий аппарати Лотерея билетларини экспертизадан ўтказиш бўлимида экспертизадан ўтказилгандан сўнг тўланади.
26. Ютуқ фондининг I–III–категориялари ютуқлари – «SUPERYUTUQ», катта «JACK POT» ва кичик «JACK POT», шунингдек, IV–категория ютуқлари «Халқ банки»нинг республика ҳудудидаги исталган туман (шаҳар) филиали томонидан ютуқ эгасининг аризаси асосида экспертизадан ўтказиш учун қабул қилинади.
Ютуқли билетни экспертизадан ўтказиш муддати ўйин билети банк филиалига экспертизадан ўтказиш учун тақдим этилган кундан бошлаб, 30 кундан ортиқ бўлиши мумкин эмас.
27. Ютуқли лотерея билетлари «Халқ банки» Лотерея билетларини экспертизадан ўтказиш бўлимида экспертизадан ўтказилиб, лотерея билети ва ютуқ суммаси ҳақиқий деб топилгандан сўнг, ютуқ суммаси ютуқ соҳибининг номига очилган «Талаб қилиб олингунча» омонат ҳисобварағига ёки мижознинг номига очилган пластик карточкага ўтказиб берилади.
28. «Халқ банки» интрасети, «UZPAYNET» тўлов агентлик тармоғи, ўйин билетларининг махсус сотув нуқталари ва жамоатчи тарқатувчилар терминаллари орқали ЛБМТ маълумотлар Базасида рўйхатдан ўтган ва муайян тираж натижасига кўра ютуқли бўлган ўйин билетлари тираж ўтказилган кундан бошлаб, 3 (уч) ой муддат давомида тўловга қабул қилинади. Ушбу муддат ўтгандан сўнг, тўловга тақдим этилмаган билетлар бўйича ютуқлар тўланмайди.
📩 ДЎСТЛАРИНГИЗГА УЛАШИНГ! 👇
https://t.me/joinchat/AAAAAEzraXp6cWU_lnjmsQ