___

2019 жыл бойынша тұрғын үй сату-сатып алу мәмілелерінің саны 21%-ға артты.Жаңа тұрғын үйлерді сату бағасы 6,4%-ға, абаттандырылған тұрғын үйлерді сату — 6,2%-ға, абаттандырылмаған тұрғын үйлерді сату — 5,7%-ға өсті, деп хабарлады ҚР ҰЭМ Статистика комитеті . Осылайша , 2019 жылғы қаңтар-желтоқсанда тұрғын үй сату-сатып алу бойынша 320 012 мәміле жасалған.Бұл өткен 264 515 мәмілемен салыстырғанда 21%-ға артық.Қазақстан бойынша мәмілелердің жалпы көлемінің 14%-ы Алматыға, ал 12%-ы Нұр- Сұлтанға тиесілі.Өңірлер арасында мәмілелердің өсуі бойынша Қарағанды , ШҚО және Алматы облыстары сәйкесінше 9%, 8% және 6% көрсеткіштерімен көш бастап тұр.Алматы облысында жеке тұрғын үйлерді сату бойынша белсенділік байқалды — ЖТҚ бойынша барлық мәмілелердің 14%-ы.Ал пәтер сату бойынша Алматы көш бастап тұр — көпқабатты үйлерді сату-сатып алу бойынша мәмілелердің жалпы санынан 18%, Нұр-Сұлтан — 16% және Қарағанды облысы — 11%.Қазақстанда жаңа тұрғын үйлерді сату бағасы шаршы метріне 293 518 теңгеге дейін (+6,4%), абаттандырылған тұрғын үйлерді қайта сату — 200 379 теңгеге дейін (+6,2%), абаттандырылмаған тұрғын үйлерді сату — шаршы метрге 125 034 теңгеге дейін (+5,7%) өсті.@kazebitda