🔴
@Xabardor_boling
Саудияда 11 шаҳзода подшоҳлик саройидаги норозиликлар учун ҳибсга олинди
16:33 12955
Марказий банк ликвидлилик танқислиги юзага келганда банкларни кредитлайди
Саудия Арабистонидаги подшоҳлик саройида юз берган норозиликлар туфайли 11 нафар шаҳзода қўлга олинди. Бу ҳақда Саудиянинг «Сабқ» интернет газетаси хабар бермоқда.
Нашр маълумотларига кўра, подшоҳлик оиласининг норозилик билдирган шаҳзодалари подшоҳ Салмон бин Абдул Азиз Ол Сауддан тегишли буйруқни бекор этишни талаб қилишган. Унга кўра, шаҳзодалар ҳисобларидан сув ва электр энергияси учун тўловларни амалга ошириш тўхтатилиши лозим. Шаҳзодаларнинг маълум қилишича, қотилликда айбланган ҳамда уч йил муқаддам қатл этилган амакиларининг ўғиллари ўлими учун ҳам товон пули олишни хоҳлайдилар.
Подшоҳлик гвардияси норози бўлганларни улар саройни тарк этишдан бош тортишгач, ҳибсга олди. Шаҳзодалар «Ал-Хайр» қамоқхонасида судга қадар ҳибсда сақланмоқда.
Аввалроқ Саудия Арабистонининг марҳум қироли Абдуллоҳ бин Абдулазиз Ол Сауднинг коррупция иши бўйича ҳибсга олинган икки ўғли – Файсал бин Абдуллоҳ ва Машъал бин Абдуллоҳ озодликка чиқарилгани хабар берилганди.