...

Яхши янгилик: Автотранспорт воситаларини сотиб олганлик учун йиғим олиб ташланди

Кучга кирган 2022 йил бюджетидан Автотранспорт воситаларини сотиб олганлик учун йиғим олиб ташланди.

Шу кунгача Янги (фойдаланишда бўлмаган) автотранспорт воситалари бўйича харид қилиш нархининг 3 фоизи миқдорида (агар автодилерларнинг инсофи бўлса энди янги автомашиналар ҳам 3 фоизга арзонлашиши керак);

Фойдаланишда бўлган автотранспорт воситалари бўйича эксплуатация муддатидан келиб чиқиб, ҳар бир от кучига 11 фоизгача йиғим ундирилар эди (халқ тилида ГАИга тўланадиган йиғим).

Шундай қилиб, автомобиль олди-сотди шартномаларини ЙҲХБдан рўйхатдан ўтказиш учун йиғимлар бекор қилинди (эртагаёқ ЙҲХБга боришга сал шошмай туринг, бизга ҳужжат етиб келмади ёки Бюджет кодексига ўзгартириш киритилмади дея пайсалга солишлари мумкин).

Халқ томон юриш дея баҳоланган ушбу эзгу иш учун кам сонли бўлсада сайланган депутатларга ва бюджет жараёнига алоқадор бошқа барча халқпарварларга ташаккур билдириш керак бўлади.