*/
Sourceهو انا لو جبت سيجارة النهارة وولعتها وشربتها هل هيحصل أي حاجة؟ لا خالص مش هيحصل حاجة. طب لو عجبني الموضوع وجيت تاني يوم شربت سيجارة تانية هل هيحصل حاجة؟ برضو لا مش هيحصل حاجة.
لو انا مشيت عل المنطق ده يوميا لمدة 10 سنين وجيت أشوف بعدها الرئة بتاعتي حصل فيها ايه هلاقيها ادمرت خالص للاسف.
تعالوا نبص للموضوع ده من زاوية تانية خالص
لو انا جيت النهاردة وقررت اخصص ساعة بس اتعلم فيها برمجة هل يا ترى هكون افضل مبرمج بعد اليوم ده واقدر اعمل كل حاجة ؟ اكيد لا طب لو جيت تاني يوم واتعلمت ساعة تانية هل كدة كدة ان اتقنتها؟ برضو لا
لكن لو مشيت على المنطق ده لمدة كذا سنة هوصل لمستوى متقدم جدا في البرمجة فيما بعد وهكون محترف.
مثال تاني:-
لو جيت النهاردة خصصت ساعة اذاكر فيها انجلش او ألماني هل ياتري بعد الساعة دي هكون بقدر اتكلم اللغة باخترافية؟ أكيد لا لو جيت تانية يوم ذاكرت ساعة تانية هل يا ترى اتقنت اللغة؟ برضو لا
لكن لو قعدت سنة واحدة بتعلم بالطريقة دي هوصل لمستوى fluent في اللغة وهيكون معايا لغة جديدة وجرب كدة لو عايز تتعلم اكتر من لغة
مثال تالت:-
لو انا خصصت ساعة واحدة بس النهاردة اروح فيها الجيم فهل بعد الساعة دي انا جسمي اتظبط وبقى تمام؟ أكيد لا لو جيت تاني يوم برضو روحت ساعة لعبت فيها برضو هل كدة أنا خسيت وظبط جسمي؟ أكيد لا
لكن استمريت فترة على اللغب هوصل للنتيجة اللي انا عايزها.
وقيس الموضوع ده على كل حاجة انت عايز تتعلمها وصدقني هتفرق معاك جدا وهتلاقي نتيجة لتعبك ده قدام.
سيدنا النبي قال " إن أحب الأعمال إلى الله أدوما وإن قل "
لو انت كمان حابب تحفظ قران الموضوع سهل وبسيط جدا
قلل المقدار وأكثر التكرار وحافظ على الاستمرار.