Сиз онгингизни ўзингиз учун ишлашга мажбур этинг, ана шунда ажойиб натижаларни қўлга киритасиз. Ўз-ўзини ишонтириш онг билан фикрлаш ўртасидаги назорат марказидир. Бу ҳар қандай таклиф ва сезги орқали одамнинг бошқарадиган онгни уйғонишига боғлиқ. Наполеон Хилл китобида келтирилган тавсиялар сизнинг онгингизга таъсир қилувчи воситадир. Ўз-ўзини ишонтириш орқали бой бўлиш, муваффақиятга эришиш истаги ва фикри мия ости асаб тизимига сиқилиб киради ва унга таъсир қилади. Инсон ўзи шундай яратилган.
Ўз-ўзини ишонтириш хусусиятини тарбиялаш:
Сиз учун муҳим бўлган сўзларни ички ҳис туйғу ва ишонч билан овоз чиқариб айтинг. Кўп айтинг. Такрорлаш, такрорлаш ва яна такрорлаш.
Такрорлаш -билимнинг онасидир. Такрорлаш билан сиз ўзингизга таъсир эта оласиз. Орзу қилган пул миқдорига рефлекс шакллантирасиз.
Ёдингизда тутинг, фақат овоз чиқариб ўқишнинг ўзи, ҳис туйғу ва ишонч билан мустаҳкамланмаса натижа бермайди. Ҳис туйғу билан мустаҳкамланмаган оддий сўзлар инсон онгига таъсир қилмайди. Демак сиз исталган натижага эриша олмайсиз. Агар бошланишига ҳис туйғуни назорат қилиб керакли йўналишга бура олмаган бўлсангиз, умидсизликка тушманг. Онгга таъсир этишнинг энг керакли воситалари доимийлик, қатъиятлик ва ҳаракат.
Кўпгина файласуфлар инсон ўз тақдирининг хўжайини деб таъкидлашган. Аммо уларнинг аксарияти нима учун шундайлигини аниқ тушунтириб бермаган. Наполеон Хиллнинг фикрича ўз-ўзига ишониб, онгига таъсир қила олган инсонгина ўз тақдирини хўжайини бўла олади.
Унинг таъкидлашича, Эркинликка интилиш- эркинлик олиб келади. Бойликка интилиш- бойлик олиб келади. Ҳар қандай куч -шахснинг кучига асосланади.
Америкалик ёзувчи ва файласуф Элберт Хаббард: -“Одамлар нима учун кўп вақтларини ўзларини алдашга сарфлаб, заиф томонларини яшириш учун баҳона қидиришади, бу мен учун сир бўлиб келган. Ахир шу вақт камчиликларни тузатиш учун етарлик эмасми. Шунда баҳонага ҳожат бўлмас эди"- деган.
