17. Ўз ғоянгизни жонли, қизиқарли ва самарали холда тақдим этинг.
Гарчи Дейл Карнеги вафотига отмиш беш йил бўлган бўлсада, унинг асарлари ҳамон энг кўп чоп этилувчи нашрлар рўйхатидан тушгани йўқ. Ҳозиргача инсонлар унинг ғоялари ва фалсафаларидан руҳланадилар, ҳайратланадилар ва уни буюк инсон сифатида кўрадилар. Унинг китобларидан иқтибос келтириш кенг тарқалган.
Ҳурматли ўқувчи! Дейл Карнегининг «Қандай қилиб дўст орттириш ва одамларга таъсир этиш мумкин?» китобининг қисқача талқинини якунлаймиз. Агар сизга мақул бўлган бўлса, навбатдаги учрашувларимизда Дейл Карнегининг бошқа асарларини ҳам қисқача талқинини тақдим этиш ниятимиз бор.
Доимо табассум қилинг! Табассум-ҳеч қанча турмайди, аммо, кўп нарсага қодир. У ҳадя қилинган одамни бой қилади, ҳадя қилган одам эса камбағаллашиб қолмайди. Унинг давомийлиги бир лаҳза, аммо хотирада абадий қолади. Уни сотиб олиш, сўраб олиш, қарзга олиш, ўғирлаб олиш беҳуда. Чунки у чин дилдан тақдим этилгандагина қадрли нарса.