Қара нүкте.

Тыныс белгісі емес, беттегі кішкентай қара нүктелерді айтам. Кейде поралар (терідегі тесіктер) ұлғайып, бетіңіз қара секпілдерге толғандай көрінеді. Сөйтіп біз поралармен күресе бастаймыз. Негізі бұл тесіктердің атқарар функциясы зор. Олар сыртқы орта мен ішкі ортаның арасындағы каналдар сияқты. Тері астындағы токсиндерді сыртқа шығарады, крем құрамындағы қоректік заттарды ішке жеткізеді.

Нақтырақ айтсақ:

1. Пора терідегі артық майды шығару үшін кеңейеді. Бұл кезде тесіктерді тоналкамен бітемей, жақсы тазалау құралын дұрыс таңдаған жөн.

2. Порасы кеңейген майлы бетті ретке келтіру үшін құрамында салицил қышқылы бар құралды таңдаңыз. Теріңізді тоникпен ылғалдандырып, маска, пилинг процедураларын жасаңыз.

3. Жас ұлғайғaнда поралар ұлғаяды. Бұл майлануға емес, терінің созылу қабілетінің нашарлауына байланысты. Бұл кезде тесіктермен емес, терінің салбырап, босаңсуымен күресу керек.

4. Қара дақтармен күресудің бір жолы - май. Иə, "клин клином вышибают" принципі осындайда айтылады. Майды май ерітеді. Гидрофильді немесе жүзім майы жақсы. Тек кокос не ши майын қолданбаңыз. Олар пораны тарс бітеп, проблеманы ушықтырады.

5. Қара нүктелерді қысып, сығып шығарамын деп ойламаңыз. Қайта теріңізді жарақаттап, инфекция кіргізіп алу мүмкіндігі жоғарылай түседі. Ыстық буға да ұстаудың пайдасынан зияны көп. Терінің жоғарғы қабатына жақын капилярлар жарылып кетуі мүмкін. Беті қанталаған, ұсақ қызыл сызықтарға толы қыз-келіншектерді көрген боларсыздар. Тамыр жұлдызшалары (купироз) дейді оларды. Ондай теріні емдеу өте қиын. Жарылған капилярларды лазермен операциялық жолмен емдейді.

6. Темекі, косметика қалдықтарын дұрыс тазаламау қара тесіктер кепілі деуге болады.

Сонда не істемек керек дейсіз ғой? Бұл проблема сізге жақсы таныс болса, бетіңізді ара-тұра щеткамен жуып тұрыңыз. Иə, мұрвнға жағатын қара маскалар да көмектеседі. Тек...

Осы жазбаға фото іздегенде осы сурет жүз рет шықты. Сурет біреу, маскалар - 99. Сондықтан мұндай маскаларды таңдау кезінде абай болыңыз. Мен болдым 😊